Türkiyənin "Fənərbaxça" klubu futbolçusu Fernandao ilə yollarını ayırıb.
Newsport.az-ın klubun saytına istinadən yaydığı xəbərə görə, 31 yaşlı hücumçu karyerasını Səudiyyə Ərəbistanının "Əl Vəhda" klubunda davam etdirəcək.
Qeyd edək ki, braziliyalı futbolçu 2015-ci ildən İstanbul klubunda çıxış edirdi. Ötən mövsüm uzun müddət zədədən əziyyət çəkən Fernandao Superliqada 18 oyuna çıxıb və 9 qol vurub.