İspaniyanın “Vilyarreal” klubu heyətinə yeni futbolçu cəlb edib.
Newsport.az-ın məlumatına görə, La Liqa təmsilçisi Fransanın “Anje” klubunun yarımmüdafiəçisi Karl Toko-Ekambi ilə güclənib. Bu barədə klubun rəsmi saytı məlumat yayıb.
25 yaşlı kamerunlu futbolçuya görə ispanların Fransa klubuna 20 milyon avro ödədiyi bildirilir.
Kamerun yığmasının da üzvü olan Toko-Ekambi “Anje”də 2016-cı ildən çıxış edirdi. O, daha öncə Fransanın “Paris” və “Soşo” komandalarında da top qovub.