Azərbaycan sərbəst güləşçisi Cəbrayıl Hacıyev Bolqarıstanın paytaxtı Sofiyada keçirilən yeniyetmələr arasında dünya çempionu olub.
Newsport.az-ın məlumatına görə, 65 kq çəki dərəcəsində yer alan idmançımız həlledici qarşılaşmada Avropa Gənclər Yay Olimpiya Festivalının finalında məğlub etdiyi Batirbek Tşxovrebovla (Rusiya) üz-üzə gəlib və Bakıdakı ssenari təkrarlanıb.
Yenə hesabda geriyə düşən yığman üzvü əzmkar qələbə qazanaraq (6:4) dünya çempionatının qızıl medalına sahib olub.