Kateqoriya: Futzal | Tarix: 02.04.2018 00:00
Futzal üzrə milli komandaların aprel reytinqi açıqlanıb.
Newsport.az-ın məlumatına görə, siyahıda planetin 165 yığması yer alıb.
Bunlardan 115-i əsas cədvəldə, 50-si isə sıralamadan kənar verilib. Həmin yığmalar son illərdə zəruri olan matç sayını belə keçirməyib.
Hesabat dövründə az sayda milli səviyyəli oyunun keçirilməsi siyahıda yalnız cüzi dəyişikliklərə səbəb olub. Bu da daha çox aşağı pillələrdə əksini tapıb. Liderlərin mövqeləri isə dəyişməz qalıb.
Cədvəlin ilk 10 pilləsində ümumiyyətlə nəinki yer, heç xal dəyişikliyi də olmayıb. Azərbaycan millisi 1440 xalla 10-cu yerdə qalıb. Yığmamız Avropa təmsilçiləri arasında 7-cidi. Joze Alesionun yetirmələri 9-cu olan Ukraynadan 42 xal geri qalır. Millimizlə 11-ci olan Paraqvay arasında isə 37 xal fərq var.
Cədvələ 1935 xala malik Braziliya başçılıq edir.
İlk “20-lik”
1. Braziliya - 1935
2. İspaniya – 1807
3. Rusiya - 1700
4. Portuqaliya - 1692
5. Argentina - 1691
6. İran - 1654
7. İtaliya - 1552
8. Qazaxıstan - 1532
9. Ukrayna - 1482
10. Azərbaycan – 1440
11. Paraqvay – 1403
12. Xorvatiya – 1394
13. Sloveniya – 1384
14. Yaponiya – 1367
15. Serbiya – 1366
16-17. Kolumbiya – 1324
Çexiya – 1324
18. Tailand – 1285
19. Fransa – 1274
20. Panama - 1262