"Matçın çətin keçəcəyini əvvəldən bilirdik. Bu günlər ərzində necə hazırlaşdığımızı meydanda göstərə bildik".

Newsport.az xəbər verir ki, bu sözləri "Qarabağ"ın futbolçusu Julio Romao Avropa Liqasının 3-cü təsnifat mərhələsində HİK-lə səfərdəki cavab oyunundan sonra jurnalistlərə açıqlamasında bildirib.

Ağdam təmsilçisi ilk görüşdə olduğu kimi, bugünkü oyunda da rəqibinə 2:1 hesabı ilə qalib gəlib və pley-offa adlayıb. 25 yaşlı yarımmüdafiəçi buna görə qürurlu olduqlarını söyləyib: "Anlayırıq ki, rəqib üçün çətin oldu. Çünki azlıqda qaldılar. Belə halda oynamaq çox çətindir. Amma onsuz da bir yaxşı çıxış edirdik. Qələbə qazandığımız üçün çox qürurluyuq"

O, pley-off mərhələsində "Olimpiya"ya qarşı keçirəcəkləri oyunlar haqqında da fikirlərini bölüşüb: "Avrokuboklarda asan matç olmur. "Olimpiya" ilə görüşlərin də çətin keçəcəyini düşünürəm. Ümid edirəm ki, bu oyunlarda da yaxşı çıxış edərək daha da irəli gedəcəyik".