"Qarabağ" Avroliqanın "pley-off" mərhələsində İsveçin "Göteborg" klubu ilə qarşılaşacaq.
Newsport.az-ın məlumatına görə, rəqib müəyyənləşəndən sonra azarkeşlər 18 qat İsveç çempionunun rəsmi facebook səhifəsində rəqibi təhqir edən rəylər yazırlar.
"Qarabağ"ın bununla bağlı azarkeşlərinə müraciətini sizə təqdim edirik:
Azarkeşlərimizdən xahiş edirik ki, rəqibimiz “Göteburg”un sosial şəbəkə hesablarında qeyri-etik və təhqiramiz ifadələrdən istifadə etməyək. Rəqibə öz yüksək mədəniyyətimizi nümayiş etdirərək nümunə olaq. Bu xahişimizi anlayış və diqqətlə qarşılaşacağınıza əminik".