17 yaşadək qızlardan ibarət Azərbaycan və Ukrayna milli komandaları arasında bu gün növbəti yoldaşlıq oyunu keçirilib.
Newsport.az-ın məlumatına görə, oyundan əvvəl AFFA rəhbərliyi adından 8 mart - Beynəlxalq Qadınlar Günü münasibəti ilə hər iki komandanın üzvlərini təbrik edən baş katib Elxan Məmmədov onlara gül təqdim edib.
Matç millimizin 2:0 hesablı qələbəsi ilə nəticələnib. Yığmamızın qollarına Sona Rəhimova və Birgul Çelik imza atıblar.
Bu komandalar arasında martın 6-da keçirilmiş ilk oyunda millimiz 1:0 hesabı ilə qalib gəlmişdi.