Milli komandaların oyunları ilə əlaqədar yaranmış fasilədən istifadə edən "Qəbələ" debütant "Səbail"lə yoxlama görüşü keçirib.
Newsport.az xəbər verir ki, komandalar Bakı Olimpiya Stadiounun ehtiyat meydanında qarşılaşıblar. Oyunda qalib müəyyənləşməyib - 1:1.
Matçda hesabı "qırmızı-qaralar" açıb. Komandanın heyətində baxışda olan kolumbiyalı yarımmüdafiəçi Kevin Penan hesabı açıb. 21 yaşlı futbolçu 45-ci dəqiqədə fərqlənib. 70-ci dəqiqədə "Səbail"in hücumçusu Aleksandru Papoviçi status-kvonu bərpa edib. Qarşılaşmada başqa qol olmayıb və tərəflər yoxlama matçında 1:1 hesablı heç-heçə ilə ayrılıblar.