“Qəbələ” 2017/18 mövsümünün hazırlığını davam etdirir.
Newsport.az-ın klubun saytına istinadən yaydığı xəbərə görə, “Qırmızı-qaralar” bu həftə start götürəcək Topaz Premyer Liqasına Bakıda hazırlaşır.
Roman Qriqorçukun yetirmələri avqustun 7-dən paytaxtdakı Bakı Olimpiya Stadionunda hazırlıq keçir. Məşqlərini ölkənin ən böyük arenasında gerçəkləşdirən “Qəbələ” “İnter”lə ilk turun səfər matçını avqustun 12-də keçirəcək.
Xatırladaq ki, I turun “İnter” - “Qəbələ” oyunu avqustun 12-də “İnter Arena”da baş tutacaq. Görüş saat 20:00-da başlayacaq.