"Rostov"un futbolçusu Raqnar Riqurdsson Rusiya Premyer Liqasının 17-ci turunda "Krılya Sovetov"a səfərdə 0-1 hesabı ilə uduzduqları oyunun 82-ci dəqiqəsində topu bilərəkdən topdaşıyan uşağa vuraraq qalmaqala səbəb olmuşdu.

Newsport.az-ın məlumatına görə, islandiyalı futbolç etdiyi hərəkətə görə üzr istəyib və həmin uşağa formasını hədiyyə edib. Formanın üzərinə bu sözlər qeyd edilib:

"Salam, mənim dostum. Şadam ki, səndə hər şey qaydasındadır. Həmin vaxt bir az emosional idim. Sən yaxşı oğlansan. Belə bir şey baş verdiyi üçün təəssüflənirəm. Sənə gələcəkdə uğurlar arzu edirəm".

Qeyd edək ki, Siqurddsonun uşağı vurmasına görə "Krılya Sovetov"da çıxış edən millimizin üzvü Ramil Şeydayev sərt şəkildə reaksiya vermişdi. 22 yaşlı forvard Raqnarın üzərinə hücum çəkmişdi. Hakim Şeydayevə sarı, Raqnara isə qırmızı vərəqə vermişdi.