Türkiyənin "Fənərbaxça" klubunun müdafiəçisi Simon Kyaerin İspaniya "Sevilya"sına keçidi tam rəsmiləşib.
Newsport.az -ın məlumatına görə, bu barədə La Liqa təmsilçisinin rəsmi saytı məlumat yayıb. Məlumatda bildirilir ki, Danimarka yığmasının futbolçusu ilə 4 illik müqavilə imzalanıb.
"Sevilya" bu transferə görə "Fənərbaxça"ya 12,5 milyon avro təzminat ödəyib.
Kyaer Super Liqa klubunda 2015-ci ildən çıxış edirdi. O, karyerası ərzində "Midtyullan", "Palermo", "Volfsburq", "Roma" və "Lill" klublarında da oynayıb.