Madridin "Real" klubunun futbolçusu İsko Alarkon adının şərəfini qoruduğu komandanın əzəli rəqibi "Barselona" və İngiltərə klubuları ilə birgə hallanmasına münasibət bildirib. 

Newsport.az xəbər verir ki, ispaniyalı futbolçu "Real"dan ayrılmaq niyyətində olmadığını deyib:

"Mən hal-hazırda dünyanın ən yaxşı komandasındayam və "Real Madrid"dən daha böyükü yoxdur. Ona görə də hələ uzun müddət burada qalmaq istəyirəm və ümid edirəm bu, baş verəcək. "Real"dan niyə ayrılım ki?"

Qeyd edək ki, 24 yaşlı futbolçunun "kral klubu" ilə müqaviləsi gələn mövsümün sonunda başa çatacaq.