Qazaxıstanın Almatı şəhərində güləş üzrə Bolat Turlıxanov Kuboku davam edir.
Newsport.az-ın məlumatına görə, bu gün Azərbaycanın 3 güləşçisi medal qazanıb.
Jalə Əliyeva (59 kq) finalda hindistanlı Sarita Saritaya məğlub olaraq Bolat Turlıxanov Kubokunda gümüş medal qazanıb.
53 kq-da Leyla Qurbanova qazaxıstanlı Aişə Ualişana "tuşe" ilə qalib gələrək "bürünc"ə sahib olub.
Qurbanova ilə yanaşı, daha bir güləşçi bürünc medal qazanıb. Türkan Nəsirova (50 kq) qazaxıstanlı Aygül Nuralimə 5:4 hesabıyla qalib gələrək medalçılar arasında yer alıb.