Newsport.az-ın məlumatına görə, Ağdam klubunun Moldovaya səfəri bu gün saat 19:00-da başlayacaq. Təmsilçimiz çarter reysi ilə Kişniyova yola düşəcək və Tiraspol şəhərindəki "Rossiya" otelində məskunlaşacaq.
"Köhlən atlar"ın oyunöncəsi məşqi sabah saat 20:00 "Şerif"in stadionunda baş tutacaq. Bundan 15 dəqiqə öncə isə təmsilçimizin baş məşqçisi Qurban Qurbanov mətbuat önünə çıxaraq, jurnalistlərin suallarını cavablandıracaq.
Qeyd edək ki, "Şerif" - "Qarabağ" oyunu avqustun 23-də keçiriləcək. Matç Bakı vaxtı ilə saat 21:00-da start götürəcək.