Bu gün Avropa Liqasında II təsnifat mərhələsinin ilk oyunlarına start veriləcək.
Newsport.az-ın məlumatına görə, təmsilçilərimizdən ilk olaraq meydana "Neftçi" çıxacaq.
Vəli Qasımovun komandası evdə Makedoniya təmsilçisi "Şkendiya"nı qəbul edəcək. İlk mərhələdə "Baltsan"ı (Malta) çətinliklə keçən "Neftçi"nin bu dueldən hansı nəticə ilə ayrılacağı maraqla gözlənilir. Bu oyun saat 20:00-da başlayacaq.
Qeyd edək ki, bu komandalar arasında cavab görüşü iyulun 21-də Makedoniyada keçiriləcək.
14 iyul
Avropa Liqası, II təsnifat mərhələsinin ilk oyunu
20:00. "Neftçi" (Azərbaycan) - "Şkendiya" (Makedoniya) 0-0
Baş hakim: Sergey Sinkeviç
Köməkçi hakimlər: Yevgeni Romanov və Vitali Malyutin
Dördüncü referi: Viktor Şimusik (hamısı Belarus)
Bakı. 8-ci km qəsəbə stadionu.