Nazarov: “Karyeramda ilk dəfədi penaltini qaçırıram”

Kateqoriya: Ölkə futbolu | Tarix: 02.09.2019 15:17

Almaniya 2-ci Bundesliqasının son turunda ötən gün “Holştayn”la görüşdə penaltini qaçıran “Ersgebirge”nin futbolçusu Dmitri Nazarov bununla bağlı fikirlərini bildirib.

Newsport.az xəbər verir ki, millimizin yarımmüdafiəçisi "tag24"-ə açıqlamasında 11 metlik cərimə zərbəsindən yararlana blmədiyi üçün üzüldüyünü deyib:

"Bu uğursuzluq məni də məyus etdi. Peşəkar karyeramda ilk dəfədi ki, penaltini qola çevirə bilmirəm".

Qeyd edək ki, Nazarov buna qədər Aue təmsilçisində 9 penalti yerinə yetirib və hamısı qol olub.

Nazarov AÇ-2020-nin seçmə mərhələsində Uels və Xorvatiya ilə keçiriləcək görüşlər üçü Azərbaycan millisinə dəvət almasına sevindiyini də əlavə edib: "Milliyə dəvət aldığım üçün şadam. Vəziyyəti dəyişib, klubuma daha güclü halda qayıdacağam".

Paylaş