Mövsümün ikinci yarısına Antalyada hazırlaşan “Qarabağ” bu gün ikinci yoxlama matçına çıxıb.

Qol.az xəbər verir ki, Qurban Qurbanovun komandası Çexiyanın yüksək liqa təmsilçiisi “Bohemians” klubu ilə qarşılaşıb. Görüş Ağdam klubunun 3:1 hesablı qələbəsi ilə başa çatıb.

Qeyd edək ki, ilk sınaq oyununda Macarıstan “Uypeşt”inə 0:1 hesabı ilə uduzan "Qarabağ" yanvarın  23-ü Polşanın "Piast", 26-sı Ukraynanın "Şaxtyor" (Donetsk) klubları ilə üz-üzə gələcək.

19 yanvar

Yoxlama oyunu

18:00. “Qarabağ” (Azərbaycan) – “Bohemians” (Çexiya) - 3:1
Qollar: Yakup Nekas, 16 (0:1), Ozobiç, 36 (1:1), Gerye, 62 (2:1), Slavçev, 90 (3:1) 
Antalya. “Gloria Sport Arena”

"Qarabağ"ın start heyəti: 12. Şahruddin Məhəmmədəliyev, 5. Maksim Medvedev, 8. Miçel, 10.Dani Kintana,  11. Mahir Mədətov,  14. Rəşad Sadıqov (k),  17. Abdullah Zubir, 19.Filip Ozobiç, 20. Riçard Almeyda, 55. Bədavi Hüseynov, 77. Donald Gerye.