"Rostov"un Azərbaycan əsilli futbolçusu Ayaz Quliyev “Spartak”a dönüb.
Newsport.az klubun saytına istinadən xəbər verir ki, 22 yaşlı yarımmüdafiəçi Moskva klubunun təlim-məşq toplanışına qatılıb. O, sabiq klubu ilə uzun müddətli müqavilə bağlayıb.
"Spartak" Ayaz üçün “Rostov”a 1 milyon avro ödəyib. Quliyev Moskva təmsilçisində illik 1,2 milyon avro məvacib alacaq.
Qeyd edək ki, Rusiyanın aşağı yaş qruplarında oynamış futbolçu “Spartak”ın yetirməsidir. O, mövsümün əvvəlində “Spartak”dan “Rostov”a 500 min avroya keçmişdi. Müqavilədəki şərtə görə, "ağ-qrımızılar" Ayazı geri qaytara bilərdi.