Azərbaycan Premyer Liqasında XVII tura start verilib 

Newsport.az xəbər verir ki, tur çərçivəsində "Zirə"ni qəbul edən "Neftçi" sülh bayrağını qaldırmağa məcbur olub. Oyundan sonra "Neftçi"nin futbolçusu Lukas Qomes jurnalistlərin suallarını cavablandırıb. 

- "Neftçi"nin bu oyunda 2 xal itirdiyini demək olar? 

- Əlbəttə biz hər oyuna qələbə üçün çıxırıq. Çox istəyirik ki, azarkeşə hədiyyə edək, amma alınmadı. 

- Oyunda komandaya demək olar ki, kömək etmədiniz. Bunun səbəbi nə ola bilər? Adaptasiya problemi, yoxsa? 

- Bu gün tək hücumçu mən idim. İstəyirdim fərqlənim, lakin rəqib yaxşı qapanmışdı. Mənə də çirkli işlər görmək qalırdı, yəni komanda yoldaşlarıma yol açmalıydım. Qabaqdakı oyunlarda daha çox çalışacam ki, komandama xeyrim dəysin. 

- Mətbuatda belə bir fikir var ki, "Neftçi"dəki transferləri oyun diskinə baxandan sonra reallaşdırıblar. Sizi də, belə dəvət ediblər?

- Məni belə şeylər maraqlandırmır. 

- Artıq mövsümün sonuna az qalıb. Bir neçə oyun oynamısınız. Hiss edirsinizmi, qol vura bilərsinizmi? 

- Mən heç vaxt söz verməmişəm ki, qol vuracam. Bu, oyundu. Ola da bilər olmaya da..