Almaniyanın "Hoffenhaym" klubu heyətini yeni futbolçu ilə gücləndirib.
Newsport.az-ın məlumatına görə, Bundesliqa təmilçisi "Şalke"dən Ozan Kabakı transfer edib. Bu barədə klubun mətbuat xidməti məlumat yayıb.
Türkiyə millisinin üzvü ilə 2026-cı ilin yayına kimi nəzərdə tutulan müqavilə imzalanıb. "Hoffenhaym" bu transfer üçün 5 milyon avro ödəyəcək.
Qeyd edək ki, Ozan Kabak 2021-ci ilin fevralında "Şalke"yə transfer olmuşdu. 22 yaşlı futbolçu son mövsümün ikinci yarısını "Norviç Siti"də keçirib. Müdafiəçi Premyer Liqa klubunun heyətində 13 matçda meydana çıxıb.