Premyer Liqa klubundan “Zalsburq”a

Kateqoriya: Dünya futbolu | Tarix: 20.01.2021 12:45

Avstriyanın “Zalsburq” klubu heyətini yeni futbolçu ilə gücləndirib.

Newsport.az xəbər verir ki, sözügedən klub İngiltərə Premyer Liqasında mübarizə aparan “Brayton”un müdafiəçisi Bernardonu heyətinə qatıb.

Bu barədə “Zalsburq”un rəsmi saytı məlumat yayıb. Avstriya təmsilçisi 25 yaşlı braziliyalı futbolçunu mövsümün sonuna qədər icarəyə götürüb.

Qeyd edək ki, “Zalsburq” Bernardo üçün tanış klubdur. Belə ki, o, 2016-cı ildə bu komandanın heyətində 16 oyuna çıxıb, 1 qol vurub.

2018-ci ildən “Brayton”un uğurları üçün çalışan Bernardo, İngiltərədən öncə Almaniyada “Leyptsiq”in formasını geyinib.

Paylaş


Neftçi	Qarabağ	Qəbələ	Sumqayıt	Kəpəz	Sabah	Araz-Naxçıvan	Səbail	Turan Tovuz	Zirə

"İstərdim ki, bütün komandalara yanaşma eyni olsun" - Elmar Baxşıyev