“Mançester Yunayted” heyətinə daha bir neçə futbolçu qata bilər. Newsport.az “The Telegraph” nəşrinə istinadən xəbər verir ki, “Borussiya”nın (Dortmund) futbolçusu Yodan Sançonun komandaya keçidi sual altına düşdüyü üçün Premyer Liqa təmsilçisi alternativ oyunçular axtarışındadır.

Məlumata görə, Mançester klubu oyunçu ilə razılığa gəlsə də, Dortmund təmsilçisi ilə razılaşa bilmir. “Sarı-qaralar” Sanço üçün 120 milyon avro tələb edir. “Qırmızı şeytanlar” isə bu rəqəmi ödəmək istəmirlər. Bu səbəbdən də rəhbərlik daha bir neçə futbolçunu gündəminə alıb.

Bunlar “Real”ın yarımmüdafiəçisi Qaret Beyl, “Yuventus”da çıxış edən Duqlas Kosta və “İnter”in üzvü İvan Perişiçdir.