PSJ ilə mövsümün sonunda müqaviləsi başa çatacaq Edinson Kavaninin gələn ildən İspaniyanın “Atletiko” klubunda çıxış edəcəyi iddia edilib.
Newsport.az-ın məlumatına görə, uruqvaylı forvard Madrid klubu ilə ilkin anlaşma əldə edib. Məlumata görə, 32 yaşlı futbolçu gələn mövsüm azad agent statusu ilə “Atletiko”ya keçəcək.
O, 2013-cü ildə “Napoli”dən PSJ-yə 64,5 milyon avro qarşılığında keçmişdi. “El Matador” Paris klubunda 283 oyuna 195 qol vurub.