Almaniyanın "Leyptsiq" klubu növbəti transferini həyata keçirib.
Newsport.az-ın məlumatına görə, Bundesliqa təmsilçisi İngiltərənin "Everton" klubunun vingeri Ademola Lukmeni transfer edib. 21 yaşlı futbolçunun keçidi üçün 25 milyon avro təzminat ödənilib. Lukmenin transferi yaxın günlərdə rəsmən açıqlanacaq.
İngiltərənin U-21 millisinin üzvü 2017-ci ildə "Çarlton"dan "Everton"a 8,8 milyon avroya keçmişdi.
"Leyptsiq" gənc futbolçunu ötən il icarəyə götürmüşdü.