"Lester Siti"nin futbolçusu Riyad Mahrez karyerasını bitirdiyini açıqlayıb.
Newsport.az xəbər verir ki, 27 yaşlı hücumçunun rəsmi facebook səhifəsində edilən açıqlamaya görə, o, karyerasını bitirdiyini bildirərək, bu sözləri yazıb: "Bir çox həkimlərlə məsləhətlərdən sonra futbolla vidalaşmaq qərarına gəldim. Futbolçu karyeram sona yaxınlaşdığına görə bu vaxta qədər mənə dəstək olan, bu şəhərdə məni dəstəkləyən hər kəsə təşəkkürümü bildirirəm", – deyə Mahrez qeyd edib.
Əlavə edək ki, bəzi informasiya mənbələri bu xəbəri təsdiq edir. Bəziləri isə futbolçunun facebook səhifəsinin başqası tərəfindən ələ keçirildiyini yazır.