Futbol üzrə İsveç Kubokunda qrup mərhələsinin oyunları keçirilib.
Newsport.az-ın məlumatına görə, azərbaycanlı futbolçu Emin Nurinin formasını geyindiyi “Kalmar” da qrup mərhələsindəki son matçına çıxıb. Futbolçumuzun komandası “Ostersund”la qarşılaşıb. Səfərdə baş tutan görüş “Kalmar”ın 0:3 hesablı məğlubiyyəti ilə başa çatıb.
Emin bu görüşün iştirakçısı olmayıb. Onun adı ümumiyyətlə qarşılaşmanın iştirak ərizəsinə daxil edilməyib.
Qeyd edək ki, 3 oyuna 4 xal toplayan “Kalmar” qrupda ikinci yeri tutduğu üçün mübarizəni dayandırmalı olub. Bu qrupdan növbəti mərhələyə yeganə vəsiqəni maksimum nəticəyə imza atan “Ostersund” qazanıb.