Almaniya Bundesliqasının 23-cü turunda “Ayntraxt” – “Leypsiq” oyununda gözlənilməz hadisə baş verib.
Newsport.az-ın məlumatına görə, matçın gedişində fanatlar meydana tennis topu atıblar. Hakim oyuna fasilə verməli olub.
Nəşrin məlumatına görə, bununla azarkeşlər oyunun bazar ertəsi günü keçirilməsinə etiraz ediblər.
Qeyd edək ki, cümə axşamı Avroliqanın 1/16 mərhələsinin oyunları çərçivəsində “Leypsiq” səfər “Napoli” ilə qarşılaşmışdı. Bu səbəbdən Frankfurt təmsilçisi ilə görüş bazar ertəsi keçirilib.