"Sportinq"in müdafiəçisi Fabio Koentrao UEFA Avropa Liqasının 1/16 final mərhələsi çərçivəsində səfərdə "Astana" ilə baş tutan görüşdə (3:1) duyğulu anlar yaşayıb.

Newsport.az-ın məlumatına görə, qarşılaşmanın 57-ci dəqiqəsində baş məşqçi Jorze Jezuş tərəfindən meydandan çıxarılan futbolçu ehtiyat oyunçular skamyasına gedən zaman göz yaşlarına hakim ola bilməyib. Uzun müddət hönkür-hönkür ağlayan sol cinah müdafiəçisini Lissabon klubunun patronu Bruno de Karvalyo sakitləşdirib və ona sarılaraq dəstək olub.

Qeyd edək ki, ötən yay "Real"dan icarəyə götürülən 29 yaşlı futbolçu Portuqaliya Premyer Liqasında Setubal "Vitoriya"sı ilə qarşılaşmada da əvəz edilərkən ağlamışdı.