"Valensiya"nın hücumçusu Pablo Piyatti komandadan ayrıla bilər.
Newsport.az-ın məlumatına görə, argentinalı hücumçu ilə "Espanyol" yaxından maraqlanır.
Barselona təmsilçisi forvard üçün "yarasalar"a 30 milyon avro təklif etməyi planlaşdırır. "Espanyol" hücumçuya illik 1,5 milyon avro ödəməyə hazırdır. Futbolçu ilə 2020-ci ilə müqavilə imzalanması planlaşdırılır.
Qeyd edək ki, Pablo Piyatti bu mövsüm "Valensiya"nın heyyətində 30 matçda 10 qol vurub, 10 məhsuldar ötürmə edib.