Bu gün Avropa Liqasının ikinci təsnifat mərhələsinin cavab oyunları keçirilir.
Newsport.az-ın məlumatına görə, bu turnirdəki təmsilçimiz “Neftçi” də səfərdə Makedoniyanın "Şkendiya" klubu ilə qarşılaşacaq.
Bakıda bu rəqibi ilə qolsuz heç-heçəyə razılaşan Vəli Qasımovun yetirmələrinin mərhələ adlamaq şansı heç də az deyil. Bunun üçün bakılılara hətta qollu heç-heçə də bəs edəcək.
Qeyd edək ki, "Şkendiya" səddini keçəcəyi halda, "Neftçi" növbəti mərhələdə Çexiyanın “Mlada Boleslav” klubu ilə qarşılaşacaq.
20 iyul
Avropa Liqası, II təsnifat mərhələsinin cavab oyunu
22:00. "Şkendiya" (Makedoniya) - "Neftçi" (Azərbaycan) 1-0
Qol:Besart İbraimi,31
İlk oyun - 0:0
Baş hakim: Erik Lambrext
Köməkçi hakimlər: Karel de Roker və Jo de Veyrdt
Dördüncü hakim: Frederik Geldhof(hamısı Belçika)
"Jos Nosbaum" stadionu.