"Futbolçular bəzi epizodlarda qərar verməkdə gecikirdilər" - "Qəbələ"nin baş məşqçisi

“Dinamo”nun fiziki baxımdan güclü oyunçulardan təşkil olunduğunu və atletik futbola üstünlük verdiyini bilirdik. Çalışdıq ki, bunun qarşısını alaq, standart vəziyyətlərdə, hava mübarizələrində güclü olan rəqibə belə imkanlar verməyək".

Newsport.az-ın məlumatına görə, bu sözləri "Qəbələ"nin U-19 komandasının baş məşqçisi Hüseynqulu Quliyev UEFA Gənclər Liqasının Çempionlar yolunda ilk oyununda Moskva "Dinamo"suna 0:2 hesabı ilə uduzduqları oyundan sonra deyib.

Müəyyən dərəcədə bunu bacardıq. Lakin ümumilikdə qapımız önündə 3 qol epizodu yaradan rəqib 2 dəfə fərqləndi. Birini isə qapıçımız dəf etdi. Standart vəziyyətləri saymasaq, “Dinamo” oyun epizodlarında qol vəziyyəti yarada bilmədi. Bu gün meydanda olanlar ən yaxşı futbolçularımız idi. Elvin Dəmirovun səhvləri oldu. Lakin hər oyunçu xətaya yol verir. Həm hücum, həm müdafiədə səhvlər buraxdıq. Futbolda müdafiəçilərin səhvləri daha çox diqqət çəkir. Başa düşürəm ki, bəzi epizodlarda sürətlə irəli çıxmaq əvəzinə oyunu öz üzərinə götürürdülər. Bizim onlara tapşırığımız belə olmamışdı. Ancaq futbolçular da meydanda öz işlərini görür. Ola bilər ki, oyunçu həmin anda elə qərar verdi. Bu matç ajiotajlı oyun idi. Bütün Azərbaycan qarşılaşmanı gözləyir, izləyirdi. Futbolçularımız da bunu başa düşürdü. Razıyam ki, futbolçular bəzi epizodlarda qərar verməkdə gecikirdilər. Gələcəkdə çalışıb, bunu aradan qaldıracağıq”.





Xəbər lenti







Neftçi Qarabağ Qəbələ Sumqayıt Kəpəz Sabah Araz-Naxçıvan Səbail Turan Tovuz Zirə
Banner left
Banner right