PSJ-nin baş məşqçisi Luis Enrike Çempionlar Liqasının qrup mərhələsinin 4-cü turunda "Milan"a 2:1 hesabı ilə uduzmaqlarından danışıb.

Newsport.az-ın məlumatına görə, o məğlubiyyətə baxmayaraq, komandasından razı qaldığını deyib:

“Məğlub olduq. Amma bəli, komandamı bəyəndim. Matçda ilk qolu biz vurduq və daha çox qol vurmaq imkanlarımız oldu. Daim hücuma keçməyə çalışırdıq. Düşünürəm ki, qol vurmaq üçün əhəmiyyətli şanslarımız oldu. Oyuna nəzarət edəndə daha yaxşı komanda oluruq. Bununla belə, 100 faiz təhlil etmək üçün bu matçı izləyəcəyəm.

İkinci hissənin əvvəlində “Milan” daha yaxşı müdafiə olundu və biz qol vurmaqda çətinlik çəkdik, həm də onların qapısı qarşısında təhlükə yaratdıq. Onlar hesabda önə keçəndə müdafiə oyunu oynamağa üstünlük verdilər. Bu çətin idi. Düşünürəm ki, bu, bərabər səviyyəli matç oldu”.