"Real"ın futbolçusu Dani Sebalyos yayda komandasını dəyişəcək.

Newsport.az "El Mundo Deportivo"ya istinadən xəbər verir ki, 27 yaşlı futbolçu "Atletiko"dan təklif alıb.

Sebalyos İspaniya Primerosunda bu mövsüm 15 oyun keçirib, 1 asist edib. Dani daha çox oyun praktikası qazanmaq üçün iş yerini dəyişməyə hazırlaşır. 

27 yaşlı futbolçu "Betis", "Arsenal" komandalarında da oynayıb. Onun "Real"la müqavilə müddəti 2027-ci il iyunun 30-da başa çatacaq.