Azərbaycan millisinin hücumçusu Mahir Emreli bu gün “Legiya”nın heyətində Avropa Liqasının 3-cü turu çərçivəsində “Napoli”yə qarşı matçda meydana əsas heyətdə çıxmaya bilər.

Newsport.az xəbər verir ki, Polşa klubunun baş məşqçisi Çeslav Mixneviç hücumun sivri ucunda Emrelinin əvəzinə Kasper Kostojeni oynatmaq niyyətindədi. Buna səbəb Mixneviçin Polşa çempionatının son turunun “Lex”lə görüşündə Emrelinin çıxışından narazı qalmasıdı. Legia.net saytı Mixneviçin Emrelidən narazı qalmasına görə 24 yaşlı hücumçunun matça ehtiyatda başlayacağı ehtimal edilir.

​“Napoli” - “Legiya” görüşü Neapolda Bakı vaxtilə 23:00-da start götürəcək.