“Qarabağ”ın teleyayımdan qazancı açıqlandı

2020/21 mövsümündə avrokubokların qrup mərhələsində iştirak edən klubların televiziya yayımından əldə etdikləri məbləğ açıqlanıb.
 
Newsport.az xəbər verir ki, gəlir götürən klublar arasında Azərbaycan çempionu “Qarabağ” da var.
 
Bu mövsüm Avropa Liqasının (AL) qrup mərhələsində mübarizə aparan Ağdam təmsilçisinin büdcəsinə 500 min avro qazanc əlavə etdiyi bildirilib. “Qarabağ” bu baxımdan AL-in qrupundakı digər 47 komandadan yalnız dördündən (“Slovan” – 450 min, Sofiya ÇSKA-sı – 420 min, “Riyeka” – 250 min, “Srvena Zvezda” – 80 min) çox pul qazanıb.
 
Avropa Liqası iştirakçıları arasında televiziya yayımından ən çox gəlir əldə edənlər İngiltərə təmsilçiləridir. “Tottenhem” bu baxımdan birinci (167 milyon avro), “Arsenal” ikinci (164 milyon), “Lester” isə üçüncü (140 milyon) sıradadır.
 
Çempionlar Liqasında (ÇL) mübarizə aparan komandaların sıralamasına da ingilislər başçılıq edir. “Mançester Yunayted” büdcəsini yayımdan 187 milyon, “Mançester Siti” 177 milyon, “Liverpul” 172 milyon, “Çelsi” isə 167 milyon avro zənginləşdirib. İspaniya nəhəngləri “Barselona” (166 milyon) ilə “Real” (150 milyon) 5-6-cı pillələrdə yer alırlar.
 
Qeyd edək ki, Avropa Liqasının İ qrupunda “Vilyarreal”, “Makkabi” (Təl-Əviv) və “Sivasspor”la mübarizə aparan “Qarabağ” 1 xalla sonuncu yeri tutub.

 





Xəbər lenti







Keşlə Qarabağ Qəbələ Sumqayıt Neftçi Səbail Zirə Sabah