Bu gün Qəbələdə təlim məşq toplanışında olan "Zirə" ilk yoxlama matçını keçirəcək.
Newsport.az-ın xəbərinə görə, bu, Rəşad Sadıqovun rəhbərliyi altında "Zirə"nin ilk oyunu olacaq. Eləcə də gənc mütəxəssis özü klub baş məşqçisi qismində qeyri-rəsmi də olsa ilk oyununa çıxacaq. "Qəbələ"yə qarşı matç saat 20.00-da başlanacaq.
Görüşdə Sadıqovun yeni transferlərlə yanaşı əvəzedici heyətdən bəzi gənc futbolçulara da şans verəcəyi gözlənilir.