“Neftçi” Premyer Liqanın XVII turunda qarşılaşacağı “Keşlə” ilə oyunun hazırlığına başlayıb.
Newsport.az-ın məlumatına görə, “Qarabağ”la görüşdən sonra bərpa məşqi edərək birgünlük fasiləyə buraxılmış komanda ötən gün doğma bazada məşqə çıxıb.
Bütün futbolçuların qatıldığı məşqdə müxtəlif fiziki təmrinlər və toplu çalışmalar yerinə yetirilib. Hazırlıq sabah bir məşqlə davam edəcək.
Fevralın 16-da “Bakcell Arena”da keçiriləcək “Neftçi” – “Keşlə” oyununa saat 19:00-da start veriləcək.