Maqaye Qeye: "Hədəfim komandaya kömək etməkdir"

Kateqoriya: Ölkə futbolu | Tarix: 06.10.2019 23:23

"Qarabağ"ın hücumçusu Maqaye Qeye Premyer Liqanın 7-ci turunda "Sabah"a 2:0 hesabı ilə qalib gəldikləri oyundan sonra jurnalistlərə müsahibə verib.

Newsport.az xəbər verir ki, 29 yaşlı fransalı hücumçu "Qarabağ" çempionatdakı çıxışı barədə suallara cavab verib.

- Ardıcıl 7-ci qələbəni qazandınız. Çempionat darıxıdırıcı deyil?

- Xeyr, deməzdim ki, darıxıdırıcı və bezdiricidir. Rəqiblər “Qarabağ”a qarşı fərqli əhval-ruhiyyədə çıxır. Çətinliyi hiss edirik. Qalib gəlsək də, buna asanlıqla nail olmuruq.

- “Qarabağ” bu mövsüm asanlıqla çempion olacaq?

- Belə düşünmürük. Özünü məcbur etməsən, istəyinə nail ola bilmərsən. Əgər büdrəsək, digər komandalar fürsətdən istifadə edib bizi qabaqlaya bilər.

- Çempionatda neçə qol vurmağı hədəf qoymusan?

- Xüsusi hədəfim yoxdur. Daha çox komandaya kömək etməyə çalışıram. Qol vururamsa, daha da yaxşı haldır. Hədəfim gördüyüm işlə komandaya kömək etməkdir.

- Avropa Liqasında “Düdelanj”la görüşdəki təxribatla bağlı fikirlərinizi bildirərdin.

- Bu, axmaqlıqdır. Nə deyim? Belə şeylər qəbul edilməzdir.

Paylaş