Mirabdulla Abbasov debütü barədə "Həyəcanlı deyildim"

“Çox vacib qələbə oldu. Turnir cədvəli baxımından 3 xal çox əhəmiyyətli idi”.
 
Newsport.az xəbər verir ki, bu sözləri yığmamızın üzvü Mirabdulla Abbasov Millətlər Liqasının qrup mərhələsinin V turunda evdə Farer adalarına 2:0 hesabı ilə qalib gəldikləri oyundan sonra deyib. Millidə debüt edən hücumçu Kosovo ilə səfərdə keçiriləcək görüş barədə danışıb: "Əlimizdən gələni edəcəyik ki, Kosovonu məğlub edib 3 xal qazanaq və qrupu lider başa vuraq”. 
 
- Bizim bacarmadığımız Maltaya bu gün Kosovo 5 qol vurdu. Son turda işimiz necə olacaq?
- Futbolda hər şey ola bilər. Biz də Kosovo ilə burda heç-heçə etmişik. Milli komandamız elə gücdədir ki, rəqibi məğlub edəcək. 
 
- Debüt oyununu necə dəyərləndirirsən?
- Öz oyunumu dəyərləndirməyi sevmirəm. Kənardakılar qiymət versə, yaxşı olar. Əlbəttə, qol vurmaq istəyirdim. Hər bir hücumçu bunu istəyirdi.
 
- Debütündə təkbətək epizodda qol vura bilmədin. Bu həyəcanla bağlı idi?
- Xeyr, həyəcanlı deyildim, sadəcə, hər an qol vurmaq olmur. Həmin epizodda alınmadı.
 
- Kosovo ilə səfər matçında start heyətdə olacağını düşünürsən?
- Məşqçilərin fikridir. Baş məşqçilərin qərarına hörmətlə yanaşıram. Start heyətdə olsam və oyuna sonradan qoşulsam, əlimdən gələni edəcəm. 
 

 





Xəbər lenti







Neftçi Qarabağ Qəbələ Sumqayıt Kəpəz Sabah Araz-Naxçıvan Səbail Turan Tovuz Zirə
Banner left
Banner right