Azərbaycan millisinin və Qazaxıstanın “Astana” klubunun yarımmüdafiəçisi Riçard Almeyda sabiq klubu “Qarabağ”a qayıdacağı ilə bağlı gəzən xəbərlərə münasibət bildirib.
Newsport.az-ın məlumatına görə, futbolçu bir jurnalistin onun fikirlərini yanlış yazdığını deyib:
“Bu xəbərlər yalandır, inanmayın. Braziliyalı bir jurnalistə müsahibə verdim və o, mənim fikirlərimi təhrif edib. Mən deməmişəm ki, “Qarabağ”a qayıdıram. Demişəm ki, bəlkə bir gün “Qarabağ”a dönə bilərəm. Yaxın gələcəkdə nələr baş verəcəyini demədim. Sözlərimi dəyişdirdilər”.