“İlk növbədə yaradılan şəraitə görə AFFA-ya təşəkkür edirəm”.  Newsport.az xəbər verir ki, bu sözləri Qırğızıstan milli komandasının baş məşqçisi Aleksandr Krestinin deyib.

O, Azərbaycana qarşı keçirdikləri yoldaşlıq görüşünü dəyərləndirib: “Oyuna gəlincə, komandamda təcrübə çatışmadı. Komandamın oyunundan razı qalmadım, nəticə məni qane etmədi. Gələcək görüşlərdə bunu aradan qaldırmağa çalışacağıq”.

- Oyundan öncə hansı nəticəyə ümid edirdiniz?

- Qələbə qazanmaq istəyirdik. Amma alınmadı. Bizim təcrübəmiz Azərbaycandan azdı. Təcrübə azlığı oyunda öz sözünü dedi.

- Azərbaycan Millətlər Liqasında nəyə nail ola bilər?

- Bu suala dəqiqliklə cavab verə bilmərəm. Çünki qrupdakı rəqiblərinizi tanımıram. Onu deyə bilərəm ki, Azərbaycanda futbol inkişaf edir. Belə davam etsə, Azərbaycan qrupda uğurlu nəticə əldə edə bilər.