“Çətin oyun olacağını bilirdik. Çünki çempiona qarşı oynayırdıq. Lakin sona qədər mübarizə apardıq və çox şadam ki, sonda üç xalı biz qazandıq”.
Bu sözləri “Qarabağ” – “Neftçi” görüşündən sonra (0-1) qonaqların futbolçusu Lukas Qomes Newsport.az-ın suallarını cavablandırarkən bildirib:
-Görüşün sonlarına yaxın bir real qol imkanını əldən verdin. Nə baş Verdi orada?
-Çox üzüldüm. Orada qol vura bilsəydim çox sevinərdim. Lakin bütün bunlara baxmayaraq, şadam ki, buradan qələbə ilə ayrılırıq.
-Sanki, komandaya uyğunlaşmaqda çətinlikləriniz var.
-Bunu dərk edirəm ki, üzərimdə daha çox təzyiq var. Çünki, mən legionerəm və məndən gözləntilər çoxdur. Bundan öncəki oyunlarda 8-10 dəqiqə meydanda olmuşam. Bu gün isə məşqçi mənə meydanda daha çox qalmaq şansı verdi. Çalışıram ki, komandaya xeyir verən futbolçu olum.Fərqlənə bilməsəm də, kluba hər hansı bir xeyrim dəysin.
-Tənqidlər sənə psixoloji təsir göstərir?
-Bizim işimiz futbol oynamaqdır. Yaxşı və yaxud da pis oynamağımızdan asılı olmayaraq, tənqidlərə öyrəşməliyik. Mən də tənqidlərə normal yanaşıram və çalışıram ki, öz üzərimdə daha işləyim.
-“Neftçi”də qalmaq haqda düşünürsünüzmü?
-Klub ilə 6 ay müqaviləm qalıb. Çalışacam ki, bu aylar ərzndə özümü yaxşı tərəfdən göstərim. Daha sonra isə komanda hansı qərarı verəcək, bilmirəm.
-Saç rənginizi dəyişmisiniz. Bunun xüsusi bir səbəbi var? Uğur gətirmək baxımından.
-(Xoşum gəlmir ki, bayaqdan saç düzümümə gülürsünüz.) Dəyişdim ki, maraqlı olsun.