Azərbaycan kubokunun finalçıları məlumdur Yenilənib

Kateqoriya: Ölkə futbolu | Tarix: 18.04.2018 21:54

Bu gün Azərbaycan kubokunda yarımfinal mərhələsinə yekun vurulub.

Newsport.az-ın məlumatına görə, cavab oyunları çərçivəsində iki qarşılaşma finalçıların adlarına aydınlıq gətirib.

“Keşlə” evdə qazandığı 1:0 hesablı qələbədən sonra Sumqayıtda eyniadlı komandanın qonağı olub. 1:1 hesablı bərabərliyə nail olan Bakı klubu finala yüksələn ilk komanda olub.

Digər qarşılaşmada isə Tərlan Əhmədovun çalışdırdığı “Neftçi” Qəbələdəki 2:1 hesablı qələbənin revanşında eyniadlı komandanı qəbul edib. Roman Qriqorçukun rəhbərlik etdiyi əyalət klubu böyük əzmkarlıq göstərərək 3:1 hesabı ilə qalibiyyət əldə edib və finala çıxan ikinci komanda olub.

Qeyd edək ki, final oyunu mayın 28-də keçiriləcək.

Azərbaycan kuboku

Yarımfinal, cavab oyunları

18 aprel

17:00. "Sumqayıt” – "Keşlə” 1-1

Qol: Sezar Meza Kolli 62, Cavid İmamverdiyev 64,

Hakimlər: Əliyar Ağayev, Zeynal Zeynalov, Akif Əmirəli, Orxan Məmmədov

AFFA nümayəndəsi: Eldəniz Musayev

Hakim-inspektor: Məlik Həsənov

Sumqayıt. "Kapital Bank Arena”

İlk oyun – 0:1

20:00. "Neftçi” – "Qəbələ” 1-3