21 yaşadək futbolçulardan ibarət Azərbaycan millisi bu gün Avropa çempionatının seçmə mərhələsi çərçivəsində səfərdə İrlandiya ilə qarşılaşıb.
Newsport.az-ın məlumatına görə, Rəşad Sadıqovun çalışdırdığı komandamız meydan sahiblərinin 90+9-cu dəqiqədə vurduğu qolla məğlub olub.
Bu, Rəşad Sadıqovun rəhbərliyi ilə millimizin ikinci oyunu olub. Komandamız bundan əvvəl səfərdə Kosovoya 0:2 hesabı ilə uduzub. Bütövlükdə isə komandamız qrupda keçirdiyi 7 oyunda qələbəyə həsrətdi. 6 oyunda məğlub olan millimizin hesabında cəmi 1 heç-heçə var.