"Zirə" klubunun baş məşqçisi Ayxan Abbasov və icraçı direktor Cahangir Məmmədov azarkeşlərlə görüşüb.

Newsport.az saytının məlumatına görə, Ayxan Abbasov azarkeşlərə komandaya göstərdikləri dəstəyə görə təşəkkür edib və "Qarabağ"la çətin qarşılaşmada da onlardan bunu gözlədiyini deyib. 

Azarkeşlər də komandanın göstərdiyi nəticələrin onları sevindirdiyini dilə gətirməklə yanaşı, qarşıdakı çətin qarşılaşmada da dəstəklərini əsirgəməyəcəklərini bildiriblər. Zirə İdman Kompleksində baş tutan ənənəvi görüşdə həmçinin, Ayxan Abbasov azarkeşləri maraqlandıran sualları cavablayıb.

"Zirə" - "Qarabağ" oyunu noyabrın 26-da saat 18:00-da başlayacaq.