Bu gün Azərbaycan Premyer Liqasının 12-ci turu start götürüb.
Newsport.az xəbər verir ki,turun açılış matçında ilk oyun günü “Qarabağ” “Sumqayıt”ı qəbul edib və 2-0 hesabı ilə qalib gəlib.
Oyundan sonra qonaqların futbolçusu Bəxtiyar Həsənəlizadə stadiona ezam olunmuş əməkdaşımıza müsahibə verib.
- Buraxılan ilk qolda səhvin var idimi?
- Oyuna yaxşı başladıq, sadəcə olaraq bizdə nəsə çatışmırdı. Vurulan qolda mənim səhvim var idi.Deyərdim ki, biz bu gün “Qarabağ”ı məğlub edə bilərdik, lakin öz səhvlərimizdən buraxdığımız qollara görə məğlub olduq.
- “Qarabağ” 10 nəfərlə sizə qalib gəldi bu haqda nə deyə bilərsiz?
-Onlar təcrübəli komandadı. Özünüz də gördünüz ki, ikinci hissə də adətən əks hücumlarla irəli atılırdılar və qolu da əks hücumda vurdular. Boşluqlardan yaxşı yararlanmağı bacardılar və sonda qalib gəldilər.