Tellur Mütəllimov: "Qarabağ" da elə-belə komanda deyil"

Kateqoriya: Ölkə futbolu | Tarix: 20.08.2017 23:08

"Qəbələ"nin müdafiəçisi Tellur Mütəllimov Newsport.az-a müsahibə verib:

- Matçla bağlı nə deyəcəksən?

- Şadam ki, qalib gəldik və qələbədə mənim də payım oldu. Bu mövsüm ilk oyunuma çıxdım və qol vurdum. Çalışacam ki, qollarımın davamı gəlsin.

- İlqar Qurbanovun gəlişindən sonra ehtiyata düşmüsən...

- Mən zədəliydiç və cəmi 15 gündü ki, məşq edirəm. Baş məşqçi kimi oynadar öz işidi. İlqar da qardaşımdı.

- "Qəbələ"nin cari mövsümki çempionluq şanslarını necə görürsən?

- Hər bir komandaya qarşı oynamaq çətindi. Ad çəkmək istəmirəç, ancaq ötən il 1-2 komanda var idi ki, asan rəqiblər idi. Bu il isə belə deyil. Hamı bir-birinə başağrı ola bilər.

- Çempionluq yolunda əsas rəqibiniz hansı komandadı?

- Bütün komandalar bizim rəqibimizdi, təkcə "Qarabağ" deyil.

- Qarşıdakı turda elə "Qarabağ"la oynayırsız. Görüş barədə nə düşünürsən?

- Bu oyuma maksimum dərəcədə ciddi hazırlaşacağıq. Çünki istəyimiz qalib gəlməkdi. Amma "Qarabağ" da elə-belə komanda deyil. Məlum məsələdi ki, ağır olacaq.

Paylaş