Bu siyahı bizi maraqlı araşdırmaya sövq etdi. Belə ki, Futbol11.az saytı klubların tarixində imzası olan futbolçuların indi harada olduğunu araşdırdı.
“Qarabağ” - Aslan Kərimov – 268
Təkcə “Qarabağ”da deyil, eyni zamanda Azərbaycan futbol tarixində izi olan Aslan Kərimov millimizin heyətində də ən çox oyun keçirənlərdən biridir. Uzun müddət “Qarabağ”da və millimizdə kapitan sarğısını daşıyan Kərimov bir müddət baş məşqçi və köməkçi məşqçi kimi çalışdı. Kərimov hazırda futbolun əsasən nəzəri tərəfini tədris etməklə məşğuldu. O, AFFA tərəfindən keçirilən müxtəlif məşqçi kurslarına rəhbərlik edir.
“İnter” - Vladimir Levin – 205
Azərbaycanda “İnter”dən başqa, “Qəbələ”nin də formasını geyinən 33 yaşlı Vladimir Levin karyerasını erkən başa vurdu. Zədə səbəbindən futbolla erkən vidalaşan Levin hazırda Ukraynada şəxsi biznesi ilə məşğuldur.
“Kəpəz” - Azər Məmmədov – 186
“Kəpəz”in rekordçusu olan Azər Məmmədov eyni zamanda Azərbaycan futbol tarixinin ən çox oyun keçirən futbolçularından biridir. Azər uzun müddət formasını geyindiyi kluba sadiqdir. Məmmədov indi “Kəpəz”in əvəzedici heyətinin baş məşqçisidir.
“Neftçi” - İqor Getman – 182
Azərbaycanda futbolçu kimi sadəcə “Neftçi”nin formasını geyinən İqor Getman hazırda bu klubun əsas heyətinin məşqçilər korpusunda yer alıb.
“Qəbələ” – Dodo – 131
Azərbaycan futbol tarixinin ən uğurlu legionerlərindən olan Paulo Luis Hilario “Qəbələ”nin uğurlarında pay sahibidir. Şimal təmsilçisinin heyətində ən çox oyun keçirən futbolçu statusunu qoruyan Dodo son olaraq Yunanıstanın AEL klubunda çıxış edib.
“Sumqayıt” - Slavik Alxasov – 126
“Sumqayıt”da 100 oyun həddini keçən oyunçulardan olan Slavik Alxasov hazırda “İnter”in uğurları üçün çalışır.
“Zirə” - Viktor İqbekoyi - 56
Azərbaycanda bir çox klubların şərəfini qorumuş Viktor hazırda rekordçusu olduğu klubun, “Zirə”nin formasını geyinir.