2017/18 mövsümünə hazırlaşan "Sumqayıt" toplanışın 2-ci mərhələsi üçün yollandığı Boluda növbəti oyuna çıxıb.

Newsport.az saytının məlumatına görə, Samir Abasovun çalışdırdığı kollektiv axşam məşqi əvəzinə TFF 1-ci Liqa təmsilçisi "Adana Demirspor"dan gələn təklifi qəbul edərək yoxlama oyunu keçirib. Görüş Türkiyə təmsilçisinin 2:1 hesablı qələbəsi ilə yekunlaşıb. Sumqayıtlıların yeganə qolunu Rəşad Eyyubov vurub.

Qeyd edək ki, "Sumqayıt" Türkiyədə son yoxlama oyununu iyulun 28-də Səudiyyə Ərəbistanı təmsilçisi “Al-Taawoun” komandasına qarşı keçirəcək. 1956-cı ildə qurulmuş Burayda təmsilçisi 2016/17 mövsümündə Səudiyyə Ərəbistanı yüksək liqasında 8-ci yeri tutub.

Adana Demirspor - Sumqayıt 2:1
Qollar: Mendi, 8. Lalavele, 70 - Rəşad Eyyubov, 88.
Bolu, Termal Hotelin stadionu.

"Sumqayıt": 23. Mehti Cənətov, 2. Rail Məlikov, 13. Bəhlul Mustafazadə, 8. Nicat Muxtarov, 90. Ramil Həsənov, 39. Tural Bayramlı, Məhəmməd Alıyev, 21. Ramil Orucov, 6. Vüqar Bəybalayev, 11. Ehtiram Şahverdiyev, 9. Amil Yunanov.

Oyuna sonradan daxil olanlar: 18. Tural Axundov, 32. Rəşad Eyyubov, 10. Cavid İmamverdiyev, 6. Kamal Mirzəyev.