Avropa Liqasının I təsnifat mərhələsinin ilk oyunları çərçivəsində baş tutacaq "İnter" (Bakı) - "Mladost" (Luçani, Serbiya) matçını idarə edəcək hakimlərinin adları bəlli olub.
Newsport.az-ın məlumatına görə, UEFA qarşılaşmanı Rusiyadan olan referilərə tapşırıb.
Oyunu Aleksandr Matyuni idarə edəcək. Ona həmyerliləri - Anton Kobzev və Aleksey Lunyov köməklik edəcəklər. Yevgeni Turbin isə dördüncü hakim funksiyasını yerinə yetirəcək.